Copyright © 2013 Mahesh
Reading Problems ? Click Here to Download the font         Best Viewed in Google Chrome

Wednesday, January 13, 2010

മുല്ലപ്പെരിയാറിനെക്കുറിച്ചു ഒരു നിമിഷം


മുല്ലപ്പെരിയാറിനെക്കുറിച്ചു നിരക്ഷരന്‍ എഴുതിയ ബ്ലോഗ്‌ വായിക്കാനിടയായി. സ്രഷ്ടാവ് പോലും വെറും അര നൂറ്റാണ്ട് മാത്രം ആയുസ്സ് കല്‍പ്പിച്ച ഈ തടയണ കേരളത്തിന്റെയും തമിഴ്നാടിന്റെയും അതിര്‍ത്തിയില്‍ കഴിഞ്ഞ 114 വര്‍ഷമായി നിലകൊള്ളുന്നു. അവസരവാദം മാത്രം കൈമുതലാക്കിയ രാഷ്ട്രീയക്കാര്‍ തന്നെയാണ് ഇപ്പോള്‍ ഈ മഹാവിപത്തിനെ മാടി വിളിക്കുന്നത്..

സംസ്കാരസമ്പന്നരുടെയും ബുദ്ധിജീവികളുടെയും ഈ നാട്ടില്‍ വെറും സാധാരണക്കാര്‍ ആയ നമ്മള്‍ക്കെന്തു ചെയ്യാന്‍ പറ്റും ? എന്നും ചെയ്യാറുള്ളത് പോലെ കയ്യും കെട്ടി നോക്കി നില്‍ക്കുക .. അല്ലെങ്കില്‍ ഭയം തോന്നാണ്ടിരിക്കാന്‍ വ്യതസ്തമായി ചിന്തിക്കുക ... [ദാ.. ഞാന്‍ അങ്ങനെ ചെയ്തപ്പോള്‍ എന്റെ ഭയം മാറി ! ]

" എന്തിനു ഭയക്കണം ? നമ്മള്‍ ഒന്ന് കൊണ്ടും പേടിക്കേണ്ട. പ്രതിരോധവും , ആഭ്യന്തരവും അടക്കം ആറു മന്ത്രിമാര്‍ നമുക്കുണ്ട്. ഒന്നും സംഭവിക്കില്ല എന്ന് ഉറപ്പു തരുന്ന നമ്മുടെ മന്ത്രിമാര്‍ . അവരുടെ ഉറപ്പിനെക്കാള്‍ ബലമുള്ള അണക്കെട്ടുണ്ടോ ? എന്തും നേടിത്തരാന്‍ കെല്‍പ്പുള്ളവര്‍ !
പ്രിന്‍സിപ്പല്‍ സെക്രടറിമാരും ചീഫ് സെക്രടറിമാരും ഏറ്റവും പ്രഗല്‍ഭരായ IAS ഓഫീസിര്‍മാരും നമുക്കുണ്ട്. രാഷ്ട്രീയ കുലപതികളും ആചാര്യന്മാരും നമുക്കുണ്ട് . മുല്ലപ്പെരിയാര്‍ ചര്‍ച്ച ചെയ്യാന്‍ മത്സരിക്കുന്ന ചാനലുകാര്‍ ഉണ്ട്. രണ്ടു മുട്ടനാടുകളെ തമ്മിലടിപ്പിച്ചു ചോര കുടിക്കാന്‍ ഇരിക്കുന്ന കുറുക്കനേപ്പോലെ ചാനലിന്റെ റേറ്റിംഗ് കൂട്ടാന്‍ വേണ്ടി മാത്രം ചര്‍ച്ച നടത്തുന്ന അവതാരകര്‍ ഉണ്ട് . എത്രയെത്ര പൈങ്കിളി കേസുകള്‍ ആണ് അവര്‍ നമ്മളെ ദിവസവും കാണിക്കുന്നത് ? മന്ത്രിമാര്‍ക്കും രാഷ്ട്രീയ നേതാക്കള്‍ക്കും വേണ്ടി ജീവന്‍ വരെ ത്യജിക്കുവാന്‍ തയ്യാറുള്ള എത്രെയോ ഖദര്‍ധാരികളും ചുവപ്പ് വേഷക്കാരും കാവി ഉടുപ്പുകാരും നമുക്കുണ്ട് ? ഇവരെല്ലാം ഉള്ളപ്പോള്‍ നമ്മള്‍ പേടിക്കണോ ? "

നിരക്ഷരന്റെ ഈ ലേഖനത്തിന് അഭിനന്ദനങ്ങള്‍ . താങ്കളുടെ ഈ പരിശ്രമം ശ്ലാഘനീയമാണ് . ആ ദുരന്തം സംഭവിക്കാതിരിക്കട്ടെ എന്ന് നമുക്ക് പ്രാര്‍ഥിക്കാം.. നമ്മളാല്‍ ആവും വിധം ഈ ബോധവല്‍ക്കരണവും പ്രചരിപ്പിക്കാം..

പ്രതീക്ഷയോടെ......

3 comments:

  1. അഭിനന്ദനങ്ങള്‍ക്ക് നന്ദി മഹേഷ്.
    എല്ലാവരും അവരവരാല്‍ ആകും വിധം ഈ വിഷയം പ്രചരിപ്പിക്കുന്നത് കാണുമ്പോള്‍ അതിയായ സന്തോഷമുണ്ട്. മുല്ലപ്പെരിയാര്‍ ലോഗോ കൂടെ ഈ ബ്ലോഗില്‍ ചേര്‍ക്കുമല്ലോ ?

    ReplyDelete
  2. കരാറുകളുടെ രാഷ്ടിയം നമുക്കറിയില്ല കരാറുകളില്‍ അവസാനിക്കുയാണ് നമ്മുടെ ജീവിതം

    ReplyDelete
  3. Dear Mahesh,

    Please read
    http://indianrealist.wordpress.com/2010/01/16/mullaperiyar-dam-controversy-and-sabarimala/

    Mullaperiyar Dam and Sabarimala: The religious roots of the Controversy

    Regards
    Bharat

    ReplyDelete

അഭിപ്രായങ്ങള്‍ , നിര്‍ദേശങ്ങള്‍ , വിമര്‍ശനങ്ങള്‍ ...